హాస్పటల్ పారిశుద్ధ్య కార్మికుల తోలగింపు

జిల్లా కలెక్టర్ కోయ శ్రీ హర్ష

అగ్నిధార న్యూస్, రామగుండం క్రైమ్ జూలై 25:  

లంచం డిమాండ్ చేసిన ఔట్ సోర్సింగ్ పారిశుధ్య కార్మికులను విధుల నుంచి తొలగిస్తూ  జిల్లా కలెక్టర్ కోయ శ్రీ హర్ష  శుక్రవారం ఉత్తర్వులు జారీ చేశారు. .రామగుండం, గోదావరిఖని ప్రభుత్వ ఆసుపత్రిని శుక్రవారం జిల్లా కలెక్టర్ కోయ శ్రీహర్ష  ఆకస్మిక తనిఖీ ఆ సమయంలో ఆసుపత్రిలో ఔట్ సోర్సింగ్ ఏజేన్సీ ద్వారా   పారిశుధ్య కార్మికులుగా విధులు నిర్వహిస్తున్న  హనుమంతు, లావణ్య రోగుల నుంచి లంచం డబ్బులు డిమాండ్ చేస్తున్నారని, డబ్బులు ఇవ్వని పేషెంట్ బెడ్ల వద్ద క్లీనింగ్ చేయకుండా ఇబ్బందులకు గురి చేస్తున్నట్లు రోగుల ద్వారా ఫిర్యాదు తెలుసుకున్న కలెక్టర్ వెంటనే ఇద్దరు ఔట్ సోర్సింగ్ సిబ్బందిని విధుల నుంచి తొలగిస్తే చేస్తూ నిర్ణయం తీసుకున్నారు.  ఔట్ సోర్సింగ్ పారిశుద్ధ్య సిబ్బంది హనుమంతు, లావణ్య లను ఆసుపత్రి పరిసర ప్రాంతాల్లో అనుమతించకూడదని  జిల్లా కలెక్టర్ గోదావరిఖని జనరల్ ఆసుపత్రి వైద్య సూపరింటెండెంట్ ను ఆదేశించారు. పేద ప్రజలకు కార్పొరేట్ స్థాయి వైద్య వసతులను  పూర్తి ఉచితంగా అందించాలని లక్ష్యంతో  పని చేస్తుంటే ఇలాంటి కొందరు  లక్ష్యానికి తూట్లు పొడుస్తూ, పేద రోగులను ఇబ్బందులకు గురి చేస్తూ జిల్లా యంత్రాంగానికి మచ్చ  తీసుకొస్తున్నారని  కలెక్టర్ ఆగ్రహం వ్యక్తం చేశారు. రోగుల దగ్గర నుంచి డబ్బులు డిమాండ్ చేసే సిబ్బంది ఇంకా ఎవరైనా ఉంటే గుర్తించి విధుల నుంచి తొలగించాలని లేనిపక్షంలో ఔట్ సోర్సింగ్ ఏజెన్సీ లైసెన్సు రద్దు చేయడం జరుగుతుందని కలెక్టర్ సంబంధిత ఏజెన్సీ వర్గాలను హెచ్చరించారు.